مرسال القمر

مرسال القمر

طاريــك وإنتَّ ماك طارينى .. يا الشوفتك بقـت لى محـال
حبيـــب أيــه اللى شاغلك عنِّـى .. وإيه الغيَّـــر الأحــوال
أنساك ؟ قول لى كيف أنساك وذكراك ديمة شاغلى البـال
ومهمــا طال غيابـــك عنِّـى .. حُبَّـــك فى القليـــب ما زال
بقيــت بعــدك وحيــد فى الدنيــا .. تايه فوق دريبك ضال
أســأل فى النـــجم ويـــن إنتَّ.. وأرسِّــل للقمــر مرســال
وديمــة مـع القمــر تلقانـى .. أســاهر ليلــى حد ما طــال
أحنِّـس فيهو .. أقولو أمشيلو .. جيـب لىَّ الوصيـــة تعال
وكتيــن القمــر يتضــارى .. ونجمـن حولو غــرّب مـــال
فِــرِحْ طـِـرْ .. بى جناح أشـــواقى .. حلق فى سما الآمال
قلــتَّ هــــدا القمـــر فــات ليهو .. ليهو بيشــرح الأحوال
يحكيلــو الحصـــل فى غيابــو .. وآلام البعـــاد الطـــــــال
يبقـــى يحـــن يعيــد الذكــرى .. قلبو بعـــد نسانــى ومال
يبكى متِلْ بكـاى لى شوفتـــو .. يرجع لىْ يجـود بوصــال
بقيــت فـى الإنتظـــار راجيهــو .. محتـار والفكـر شغَّــال
أقــول يا رب متيـــن تجمعنـــى .. بى خــداً كســاهو دلال
وأسعـــد بالكليمـــى الطيبــى .. والبسمــة التَّسُــرْ البـــال
وأشعــر بالعلــى فى حينو .. مـن فــدْ نظـــرة ولَّــىَّ وزال
أتاريهــو النّجــم ضلــــــَّلْنـى .. ما راح للقمـــر مرســـال
أتَّــارى بنيـــت خيــالى حقيـقة ..وإتقلبت حقيتــى خيـــال
وأتـارى أنـا كُـتْ بطمِّـنْ نفسى .. بى وصــلاً بعيد ومحال
والحاضنة ألأرض خطواتــو .. مابنــول فى الثريَّــا منَّــال
مناي كل لحـــــــــــظة أشوفك .. مناى شوفتك كــل ساعة
فراقك بكاهـــــــــــو قلبى .. وكتـــــــل فى نفسى القناعــة
أطرى يومـــــــــــة ودعتك الله .. وعيــونك باكى دمَّاعــة
غلبنى أقـلدك وأوادعـــــــــــك .. حمتنى عيـون الجماعــة
حسيت بى كبــــــــــــدى واقعى .. اتغرس سكين وقـطاعة
وأنا أتيتـــــــــــم بى فــراقك .. يتـم شافعـــاً فى الرضاعـة
زمانى الصبـــــــــــق الأمانى ..غدرنى وفات بـى ســراعا
مالو كان إتأخــــــــــــر شوى.. هو عارف الفرقـــة لواعة
داير أعاين أمتــــــــــــع عيونى ..عيونى وراك وا ضياعا
دى ما آخر نظــــــــــــرة لى فى الوجيه الكاسية الوداعــة
كتير سرحــــــــــت بى الوساوس همومى غرقت فى قاعا
بقيت بين أقعــــــــــد وأسافر .. شكــــــوك نفسى واقتناعا
إن قعــــــــــدت الناس مابتريح .. وفراقك مالو إستطاعـة
غايتو قسمــــــــة وقسموها لينا آب تردها كف الضراعة
وحاتك مجبـــــــــور أفــــــارق .. فراقاً مو بى قناعــــة
وأبيع روحى أنا ليكى وأمشى ومنو القبلى أنا روحو باعا
مالكـــــــــــاها ومالكى ساسا .. السمع ليكى إنت والطاعة
ربيعا أنتى وعـــــــز شبابا .. وحياتا بلاك شـــــــــن نفاعا
قـــدر ما تفــــــرِّحْ .. تبكى .. حقــــــيقـــــة الدنيا خداعــة
تلمــــــَّك لامــــن توالــــــف .. وتفرقـــــك فى أى ســـاعة
تخبى أقــــدارا فى أيامـــــــــــا .. وتلـف حولـك بى براعة
تجيـــــــب تديـك من عذابا .. وشقـــــــــاها البعقب متاعا
وداعــــــــاً ثمـــــــــــــرة فؤادى .. ودعتك أمين الوداعــة
وحــــــــــاتك مابنسى كلمة العصيــــــــــر شاقين الزراعة
ولا بتحلالى غيـــــــر سيرتك .. وكت نحكى أنا والرباعة
إن هدولى الجنة بى حـــورا .. ألقى فيكى نفيستى طماعة