منتديات شباب رفاعة
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي

مكتبة كلمات أغاني الأستاذ مصطفى سيد أحمد

صفحة 4 من اصل 4 الصفحة السابقة  1, 2, 3, 4

اذهب الى الأسفل

بت العرب النوبية

مُساهمة من طرف نبراس في الثلاثاء سبتمبر 14, 2010 2:00 pm

بت العرب النوبية

الشوق من حاصف لاقاصف
اتلم تهز ليك يانواري
يا درقة وسيف
يا حضنا كيف
من شر الصيف والشتا ضاراي
يا شعلة عز بقت جواي
عدت بى ضلام بحراً عاصف
يا بنت العرب النوبية
يا بت النوبة العربية
بشملة نخوة بجاوية
أو شجر الصحوة الزنجية
دسينى من الزمن الفارغ
من ريح المتعة الوقتية
من شر الساحق والماحق
بين دبش المدن المدعية
والليل إتحكر بيناتنا
كحّل بديشو عويناتنا
يا شمس الناس المسبية
الجوع .. العطش .. الغد واحد
الفقر الضارب زى سوسة
الخوف والحالة المنحوسة
يا بحر الحاصل لاك ناشف
لا قلمى الفى إيدى عصا موسى
الناس عوصات تحرس ترجى
ترجعبو سلاح وأنوار زينة
بمبان تواليت آفات وسكى
للناس الدمنا بنزينا
فقراً تسترزق من دينها
يا بت الناس الصالحين
الذمم المشرية الطالحة
شتان بين دينك ودينا
يانورة شليلك ما فات
بى عدلو شليلك جاييك
يانورة شليلك جاييك
جاييك اتزود من غلبك
وافقد خطا قيمه ما جات
الناس المقمر تنصحني
تتكاجر أنوار نجماتا
القمر الطيب يفضحنى
تنبحنى شجونك وآهاتا
كجنا سجونك لولاك كم
عشق بتيرب واطاتا
منعوك الزمن الخلاك
سلّمت الوطن الهمباتة
على كيفك بتحكم
يا سوس تكنك مابتعلم
بحال البتألم ساكت
يا حال الساكت وبتألم
بتفتق جرحك يوم تبرا
تتلم وقيدك يتحطم
وين عادك هارب من بكرة
وخطو التاريخ البتقدم
رغماً من عنت الأيام
والزمن الجهجاه الفاجع
بالنفس النازل والطالع
وكل واحد من شعبى مضارع
سميت ومشيت وما متراجع
غيبتك يا عشق وتيه
يابلداً كم سمحه وجيه
لو لقت الناس البتدورة
ترتالا تكوس لها في الجية
avatar
نبراس
عضو برونزى
عضو برونزى

عدد المساهمات : 521
نقاط : 1225
تاريخ الميلاد : 23/02/1989
تاريخ التسجيل : 06/09/2010
العمر : 29

الرجوع الى أعلى الصفحة اذهب الى الأسفل

فى طريق الليل

مُساهمة من طرف نبراس في الثلاثاء سبتمبر 14, 2010 2:05 pm

فى طريق الليل

فى طريق الليل ضاع الحادث الثانى
وضاعت زهرة الصبار
لا تسل عنى لماذا جنتى فى النار
فالهوى أسرار
والذي يقضى على جمر الغضاء أسرار
بالذي يخفى الهوى بالصبر
يا با لله كيف النار تخفى النار
يا غريب الدار إنها أقدار
كل ما فى الكون مقدارله
وأيام له الا الهوى
ما يومه يوم ولا مقداره مقدار
لم نجد فينا قطار العمر
يدنو من بقايا الدرب
من ضوء على شئ وقد ضج الأسى أسرار
كنت تدعونا فأسرعنا
وجدنا هذه الدنيا محطات بلا ركاب
ثم سافرنا على أيامنا أغراب
لم يودعنا بها إلا الصدى
أو نخلة تبكى على الأحباب
يا غريباً يطرق الأبواب
نحن من باب الشجى والزخرف الرمزى
والألغاز والمغزى
وماغنى على أزمانه زرياب
كلنا قد تاب يوماً ثم الفى نفسه قد تاب عما تاب
كل ما في الكون أصحاب وأيام له
إلا الهوى
ما يومه يوم ولا أصحابه أصحاب
كم طرقنا بابك السرى فى وجد وفى خوف
لم تجبنا فإبتعدا فرسخاً هجراً
فألفيناك سكرانا جدابات
فلم تغفر ولم نغفر كلانا مدع كذاب
كل غى تاب إنما غى وغىٌ فيك قد غاب
وراء النرجس المكتوب للعذاب
لا تسل من عادة أن تكثر الأقوال
فى من ذاق خمر الخمر فى المحراب
لم يقع فى الشك إلا أنه من لسعة
الأوساخ تنمو خمرة الأعناب
نبه العشاق مدنف أودى بلا هجر
ولا وصل بباب الطاق
مرهق من خرقة الدنيا على أكتافه
لم تستر الأجساد والأشراق والأشواق
مُوغِل فى السر مُندسٌ بنار الوجد
فى الأعماق ما أبعد الأعماق
لم يفق يوماً ولم يأبه بمن قد فاق
مرهف مشتاق كله أشواق
أثملته الخمر صحواً فانبرى يبكى
وأطفال الزمان الغر لجوا حوله
سخرية فى عالم الأسواق
قل لا هل الحى هل فى الدور من عشق
لهذا المبتلى ترياق
نأمةٌ فى العشق تكفى .. نقطة تكفى
فلا تكتر عليك الحبر والأوراق
كل ما فى الكون تنقيط له إلا الهوى
فأحني فالتنقيط نهوى وأسال العشاق
avatar
نبراس
عضو برونزى
عضو برونزى

عدد المساهمات : 521
نقاط : 1225
تاريخ الميلاد : 23/02/1989
تاريخ التسجيل : 06/09/2010
العمر : 29

الرجوع الى أعلى الصفحة اذهب الى الأسفل

نفسى فى داخلك أعاين

مُساهمة من طرف نبراس في الثلاثاء سبتمبر 14, 2010 2:09 pm

نفسى فى داخلك أعاين

نفسى فى داخِلك أعاين
أروى روحى وأشوف منابعك
صحراء فى عينىّ تتواثب جناين .
ماخده صوتِك من جداول
وماخده صورتِك من كهارب
مولداً ميدانو حافل
كل ما يصبّح تجيهو الناس جحافل
يا سلام
لما تعبرى فى الشوارع
شوفى كيف الناس تصارع
ناس تطّفر وناس تدفر
فى البشابى على نجومِك
وفى البخت كايس تخومِك
وكل زول من عند سُلافِك
لا لا قال دايرلو كاس
مرة طربان شلت صورتِك
شان أغنى وقلت آه يا ليل وآه
إنت أول
وإنت ثانى
وإنت تالت
وإنت رابع
نافرة زى صيد الخلا
وصافية زى نبع المنابع
وقلتى لى غنَّاى خلاص
لما في العيني تفتح
المطر غسل الهجير
وبيوتنا ضالاها الطراوة
لما في الكون شقاوة العديل يبقالنا مايل
ما ني حيران الا لكن كيف أحبك
أقوي بكل الوسائل حب جديد
وعميق وهائل
حلوة عينيك زى صحابى
عنيدة كيف ؟
تشبه شريحتين من شبابى
غريبة ذي شردة سؤال من جوابى
زى عنب طّل معتق فى الخوابى
وسمحة زى ما تقول ضيوفاً دقوا بابى
فرحى بيهم سال ملأ حتى الكبابى
avatar
نبراس
عضو برونزى
عضو برونزى

عدد المساهمات : 521
نقاط : 1225
تاريخ الميلاد : 23/02/1989
تاريخ التسجيل : 06/09/2010
العمر : 29

الرجوع الى أعلى الصفحة اذهب الى الأسفل

ليه غبت يا القمرا

مُساهمة من طرف نبراس في الثلاثاء سبتمبر 14, 2010 2:12 pm

ليه غبت يا القمرا

ليه غبت يا القمرا
نركب جياد الليل
ينشرّا بينا صباح
سفر العتامير ليل
نرجاك فى المطرا
أرجع تعال يا شليل
درع الأميرة سِرق
سوه حدوة خيل
بحر العطاشك نِشف
نشرب بواقى السيل
صد لى ملامحك يا حراز
ريح العوارض غرّبت
فرتق ضفايرك فى الرزاز
جبة العصافير قرّبت
avatar
نبراس
عضو برونزى
عضو برونزى

عدد المساهمات : 521
نقاط : 1225
تاريخ الميلاد : 23/02/1989
تاريخ التسجيل : 06/09/2010
العمر : 29

الرجوع الى أعلى الصفحة اذهب الى الأسفل

حليوة ليلة المولد

مُساهمة من طرف نبراس في الثلاثاء سبتمبر 14, 2010 2:16 pm

حليوة ليلة المولد

أه بقول غنوات بقول غنوات
فى البلد البسير جنياتها لى قدام
ولى الولد البتل ضرعاتو فى العرضة
ويطير فى الدارة صقرية
ولو السمحة تلت إيدا ومدت جيد
تقوم شايلاهو هاشمية
ويشيل شبال ختفه ريد وفرحة عيد
وريد روح وحمرة عين وإيدية
ويا الولد البشيل مدقاقو
قولة خير على القمره
يقابل الجاية متحزم
ويدارك الجاية متلزم
كلام فاسك على أرضك
يبقى عديلة يا بيضا
ويبقى زفاف تزغرد ليه قمرية
وقبال حول تغيم غيمة قبلية
ترش الدارة والحدبة الصعيد الحلة
ويا فرحة بتطارد الصفقة فى النسمة الصعيدية
ويا جهرة نهار الليلة بدرية
تصبح جنياتنا فى الحدبة الصعيد الحلة
يا سمحاتنا هو لبلب
يا قمحاتنا هو لبلب
ويا اللوز الفتق فى الوادى هو لبلب
ويا البحر الطمح مدادى هو لبلب
ويا حجواتنا ويا صلواتنا هو لبلب
سألتك بالذى ركز الأرِض معبد
وسوى الناس عليها مقام
سألتك بى حشا الأُمات ودمعاتا
سألتك بى كبيداتن وعويناتن
شليل وين راح
تكون ضل الخريف فاتنا
شليل وين راح شليل وين فات
وزى برق السماك الجابها دغشية
وزى زغرودة البطن الكبارية
مرق من شامة القمره مهيقن بي وداعة الله
ومقدم بالعديل يبراك
تعالوا تعالوا أبشروا آجنيات
شليل ما راح شليل ما فات
شليل عند المسورو حِرق
بقالوا حصاد
شليل فوق التقانت قام خدار وبلاد
شليل مسدار شليل مشوار
شليل أرضنا آحبنيات
شليل قايم نصالص الليل
يتمتم ليلو وردية
حرازنا شليل شليلنا دليب
شليلنا دليل على البلدات على درب التبلدية
شليل ما راح شليل ما فات
شليلنا ونحنا همباته ومهاجرية
مزارع بات على عشقين
تراب بلدو وسماح فوق بت مزارعية
avatar
نبراس
عضو برونزى
عضو برونزى

عدد المساهمات : 521
نقاط : 1225
تاريخ الميلاد : 23/02/1989
تاريخ التسجيل : 06/09/2010
العمر : 29

الرجوع الى أعلى الصفحة اذهب الى الأسفل

مت فى قلبى

مُساهمة من طرف نبراس في الثلاثاء سبتمبر 14, 2010 2:19 pm

مت فى قلبى

مت فى قلبى ولم أبكى عليك
فمعين الدمع قد نضب قديماً
قبل أن أدنو إليك
إن عقلى يتعجب
كيف قلبى فيك يُخدع
وتقول لى
صرت قلباً من حجر
أنا قد مُزقتُ قلبى
وتناثرت بعيداً
مثل أوراق الشجر
وتجرعت كؤوسك
وتوسدت الغير
مت فى قلبى فدفنتك
خارج القلب الحجر
تربتى أطهر من أن يدفن فيها من غدر
هكذا الغدر أمرْ
عدت من دفنك وحدى أتألم
وأدارى قلبى المكسور غدراً أتبسم
وأغنى للربيع الفض بالإشراق والآمال مفعم
ذبحت كفاك قلبى
وتقول لى صرت قلباً من حجر
أنت ظلم .. أنت جور
أنا إحساس وحب وشعور
أنا فى العالم فرحة .. أنا فى الظلمة نور
avatar
نبراس
عضو برونزى
عضو برونزى

عدد المساهمات : 521
نقاط : 1225
تاريخ الميلاد : 23/02/1989
تاريخ التسجيل : 06/09/2010
العمر : 29

الرجوع الى أعلى الصفحة اذهب الى الأسفل

رد: مكتبة كلمات أغاني الأستاذ مصطفى سيد أحمد

مُساهمة من طرف ود القاضي في السبت سبتمبر 18, 2010 11:16 pm

لك الشكر نبراس علي العمل الرائع



مع خالص شكري ،،،،،

avatar
ود القاضي
عضو جديد

عدد المساهمات : 35
نقاط : 50
تاريخ الميلاد : 09/12/1983
تاريخ التسجيل : 04/09/2010
العمر : 34
الموقع : السودان

http://www.moveed.com/data/media/181/aed100.jpg

الرجوع الى أعلى الصفحة اذهب الى الأسفل

صفحة 4 من اصل 4 الصفحة السابقة  1, 2, 3, 4

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى